香港生活節奏急促，物價指數高企，加上近年有很多年青家庭移民，令不少老友記計劃到內地過退休生活，貪其生活指數低，以及有內地有親戚照顧，生活比較有安全感。
永強今年68歲，退休前從事公司司機。早年與妻離婚，育有一子，兒子數年前成家立室及擁有一名女兒。永強的兒子一家三口，大概一年前已移民英國，現剩下永強一人獨居香港。他在香港較少朋友，親戚多居於內地。
「以前有份工，叫做有精神寄託，宜家退咗休，每日都好似無所事事咁，試過搵返司機做，但一睇我歲數，對方就話：「你返去等消息啦」，同埋以前有穩定收入，生活都還可以，香港地所有嘢都貴，宜家無收入，每個月都係掹掹緊。以前阿囝一家人喺度，我得閒可以去同個孫玩吓，宜家佢哋去咗英國有新生活，得返我一個喺香港。
我朋友唔多，反而親戚就多，堂哥細佬妹嗰啲喺晒深圳，佢哋好關心我㗎，過時過節會問候吓我，每次嚟香港都會搵我食飯飲茶。近排我見得閒無嘢做，都返咗去探佢哋，仲住咗兩星期，覺得喺深圳生活都幾舒服，節奏無咁趕，生活指數比香港低啲，都有少少想喺深圳過退休生活。
如果真係喺深圳過退休生活，即係變相我都移民？諗到呢度初時有啲卻步，因為驚移民要洗一大筆錢，又怕麻煩。當我同堂細佬傾，佢哋好歡迎我移民去深圳，因為佢哋都知我一個人喺香港，都擔心我有咩事時點算，如果佢哋喺我身邊，有咩事起上嚟都有人照顧，同埋佢哋有地方畀我住，唔駛擔心住屋問題。至於醫療福利方面，佢哋話近排政府推出咗「頤年卡」，係畀長者用，有好多福利，即使喺香港住嘅長者都可以申請，但至於有咩福利、點樣申請同詳情，佢都唔係好清楚，叫我可能要再問吓人。
於是我上網搵資料，見到舜禹學堂有好多有關長者嘅文章，於是我就即管留言問吓頤年卡詳情。佢哋嘅職員好好，解答得非常詳盡，例如講清楚頤年卡係咩，原來頤年卡係深圳市民政局委托平安銀行、中國建設銀行同中國工商銀行發行嘅政府養老服務電子身份憑證卡。集身份識別、敬老優待、政策性津貼發放、金融借記賬戶、深圳通等多功能於一體嘅聯名金融IC卡。現凡喺深圳市居住，年滿60歲，包括香港、澳門同台灣人士，都可以申請辦理。
福利方面，仲多達十項，例如：免費乘坐深圳市内公交同深圳地鐵；免費進入深圳全市各公園同市政府投資建設嘅旅遊景區（例如：蓮花山公園、深圳灣公園、大小梅沙、海上田園、仙湖植物園和鶴湖新居）；免費進入深圳全市各文化場所（例如：博物館、文化館、圖書館、美術館）。仲有免費或優惠使用深圳全市公共體育館。
仲有幾項優惠，要按照有關規定先至享有，包括長者飯堂補貼同優惠；高齡津貼；居家安老服務補助；公證費、律師費減免同優先獲得法律援助機構免費法律援助等。仲有最重要嘅係個性化專屬金融服務，雖然我無乜積蓄，但都想啲棺材本處理得好啲，費事老到矇吓矇吓先搞，到時都可能唔記得啲錢擺喺邊。
聽到咁多福利梗係想即刻申請啦，於是我又問埋申請方法。舜禹啲職員好好，好詳細解釋我知點樣申請。宜家暫時有四種途徑申請頤年卡：
1）網上自助申請：可透過「深圳民政」公眾號、「平安銀行深圳分行」微信公眾號、「平安口袋銀行」APP等入口申請辦理。
2）社區集中受理：各區民政局組織指導社區工作站設立社區集中受理辦卡活動日，平安銀行工作人員進駐社區為長者提供辦卡服務。
3）網站預約辦理：可在預約成功後，前往平安銀行深圳市各營業網點現場辦理。目前深圳市所有平安銀行門市可辦。而中國工商銀行部份分行提供頤年卡辦卡服務。
4）預約上門辦理：對於行動不便、卧病在床在院的老年人，可聯絡所在社區，預約銀行上門辦理。
聽完呢四種方法，我諗社區集中受理會比較啱我，我擔心網上登記會撳錯掣，佢哋仲畀埋平安銀行個查詢熱線我，電話係至95511( 需使用IDD電話），如果有細節唔明都可以打去問。佢哋都提我要有內地手提電話同住址證明，確保申請流程順暢。好彩有舜禹嘅職員幫手，我可以喺退休生活拎多個保障同福利喇。」
近年不少長者選擇到內地安享晚年，好處是生活指數較低，生活節奏適合長者，加上飲食文化類似，令長者無需要特別適應而開展新生活。此外，不少長者跟永強的狀況類似：兒子舉家移民，剩下自己在香港獨居，倒不如移居到內地與親友同住，起碼有親友在身邊，不至於孤單過活。
現時內地亦有很多扶老或長者有關共益的措施，如果你或身邊有長者有需要查詢，或想了解更多，歡迎隨時留言予我們，我們樂意為大家解答。關懷長者和社區，是我們的使命，我們樂意當長者們的後盾。
歡迎留下對舜禹學堂想說的話。不論是對文章內容有任何疑問、想了解更多與自身相關的居家服務、或是想給予學堂支持與鼓勵，以及有熱忱想成為學堂中照耀民眾的小太陽，都請不吝嗇的留言告訴我們！我們會於工作日內儘快回覆您，謝謝！
