【舜禹香港專欄】2022年僅3.5萬人出世創40年新低,點解香港人唔願生B?

託管兒童服務   有助籌劃完整家庭

 

近年香港出生率低,據政府統計處公布最近調查顯示,香港過去五年出生人數持續下降,最新出生人數約3.5萬,與歷年香港生育趨勢的嬰兒數字比較,2022年年中的出生人數是40年來的新低。阿康(化名)便是對生育猶疑不決的其中一個代表。

 

阿康與妻子結婚四年,阿康從事酒店服務員,妻子為美容師,二人擁有穩定職業和收入,原本計劃婚後一年生小孩。但當阿康細心作開支預算後,發現要養育小孩花費不菲,因此打消生育念頭,但妻子很想擁有自己的孩子,二人偶爾會因此而吵架。

 

「今時今日喺香港生活真係唔容易,乜嘢都貴,又要交租又要生活,加上之前疫情,我哋兩公婆試過一齊無收入,仲要持續半年,當時都好㥬惶,好彩有積蓄頂住。我都鍾意小朋友,但計過條數,開支都幾大,不過經濟都係其次,最重要係照顧同教育。

 

我哋兩公婆都要返工,屋企又細,預算又唔夠,無能力請工人姐姐;我同老婆嘅父母都年時已高又體弱多病,無辦法照顧小朋友,所以都會擔心就算生咗,邊個可以湊小朋友?同埋又會擔心唔識管教小朋友,諗到呢度我就打消咗生育念頭。但因為呢樣嘢,成日都會同老婆嘈,佢好鍾意小朋友,成日都覺得一個家要有小朋友先至完整,加上我哋年紀唔細,如果呢一兩年唔生,之後就愈難有 BB。我好矛盾,唔想因為呢樣嘢影響夫妻感情,但真係唔知點做。試過有次因為呢件事同老婆嘈得好緊要,去咗搵朋友阿明(化名) ,佢一家三口,生活得好開心好融洽,令我好羨慕。

 

我同阿明講我嘅問題,原來佢之前都試過好似我咁,諗唔通而同老婆嘈。於是佢介紹我去搵社署嘅綜合家庭服務中心,佢話:『嗰度會幫你搞搭晒㗎喇!』於是我就搵屋企附近嘅家庭服務中心幫手。

 

中心入面嘅方姑娘接咗我哋個 case,了解我同老婆嘅狀況後,知道我哋嘅核心問題係擔心小朋友嘅照顧同教育,之後同我哋介紹家庭服務中心旗下嘅託兒服務,原來中心一向都有支援一些因工作或其他原因,暫時未能照顧子女嘅家長,提供多元化幼兒照顧服務,配合家長同幼兒需要。現時香港有日間幼兒中心,專門為初生至三歲以下嘅幼兒提供日間照顧服務,幼兒中心嘅服務時間係星期一至五上午8時至下午6時,星期六上午8時至下午1時,完全符合我哋呢類雙職父母需要。

 

另外,幼兒中心仲包括獨立幼兒中心同附設於幼稚園嘅幼兒中心。換句話說,第時BB返幼稚園,課餘後可以交畀學校做託管,直到我哋放工。獨立幼兒中心嘅服務費用由社署批核,而附設幼稚園嘅幼兒中心則由教育局幼稚園同幼兒中心聯合辦事處批核,費用方面我哋可以放心晒。方姑娘好好,仲幫我哋計劃好搵邊啲幼兒中心,等我哋可以再重新整理家庭計劃。我同老婆直頭覺得一天都光晒!

 

我好多謝阿明有咁好嘅介紹,原來佢囡囡宜家四歲,都係交畀學校做託管,佢話好放心,因為喺學校有老師看管住,佢哋好放心,小朋友又唔使重新適應環境同監管人(老師),放學後留喺學校唱遊、瞓晏覺、食茶點同做功課,囡囡同佢哋返到屋企唔使再理功課,真正享受到家庭樂。」

 

家庭服務中心  令新婚夫婦重新制訂家庭計劃

 

阿康和阿明全賴得到家庭服務中心的服務和支援,令他們重新規劃家庭,令家庭得以完整。若不是家庭服務中心提供的託兒服務,他們會因擔心教養和照顧小朋友而放棄生育,幸好他們向中心踏出求助第一步,令他們可以無憂建立自己的家庭,享受天倫樂。

 

綜合家庭服務中心目前的日間幼兒照顧服務,可分為七個類別:幼兒中心服務、幼稚園及幼兒中心學費減免計劃、暫託幼兒服務、延長服務時間、互助幼兒中心、鄰里支援幼兒照顧計劃及學前兒童課餘託管服務。服務涵蓋不同年齡幼兒,時間具彈性,讓父母可放心將小孩交託予中心,無需再擔心獨留兒童及照顧兒童的經濟問題。

 

此外,中心亦有社工協助,以解決各項家庭問題,所以如有任何家庭問題,只要向家庭服務中心求助,便可以得到援解。家庭生活教育、親 子活動、輔導服務和轉介服務等。社工會提供家庭關係和子女照顧安排方面的意見和協助。 

 

求助者可以致電社署24小時熱線2343 2255熱線全日二十四小時運作的互動話音系統,讓來電者查詢福利服資料及索取資料傳真。社工在指定時間內(星期一至星期五:上午九時至下午五時,星期六︰上午九時至中午十二時)當值,為有需要人士提供即時輔導、支援和諮詢服務,並安排適切的跟進服務。即使是深宵達旦或線路繁忙,熱線也會轉駁至東華三院的家庭服務或相關部門,讓求助者不會感到救助無門。職員收到求助電話後,會立即轉介致相關社工,非常有效率協助求助者。

 

此外,由於綜合家庭服務中心為社會福利署核下部門或指定合作機構,設有投訴機制和監管制度,所以只要求助者踏出求助一步,中心職員不會推搪,更歡迎有需要人士提出求助,讓他們可以協調更多家庭關係,共建和諧社會。

 

如發現身邊有朋友需要援助,或你正有相關需要,請不要猶疑向綜合家庭服務中心求助或歡迎留言予我們查詢。

 

相關資料:

 社會福利署各區綜合家庭服務中心聯絡名單

日間幼兒照顧服務

課後支援服務

留下您寶貴的意見

歡迎留下對舜禹學堂想說的話。不論是對文章內容有任何疑問、想了解更多與自身相關的居家服務、或是想給予學堂支持與鼓勵,以及有熱忱想成為學堂中照耀民眾的小太陽,都請不吝嗇的留言告訴我們!我們會於工作日內儘快回覆您,謝謝!

Thank you! Your submission has been received!
Oops! Something went wrong while submitting the form.