日間長者中心服務   舒緩照顧者壓力

人口老化數字急增劇增，是每個發達城市面對的挑戰。醫療問題往往令樂齡人士及身邊的照顧者最為煩惱。阿娟（化名）需要照顧年逾八十兼體弱多病的母親，同時兼顧工作。在家庭和工作的壓力夾擊下，令阿娟險些走上不歸路。

阿娟，今年50歲，從事船務文員工作，單身兼且是家中獨女。父親早逝，一直以來也是與母親（化名陳婆婆）雙依為命。陳婆婆年時已高，體弱及行動不便，近年更出現腦退化跡象，所以陳婆婆每次到醫院覆診，阿娟也會請假陪伴，盡量照顧母親。

「我無兄弟姊妹，爸爸走咗後，我就肩負起照顧媽咪嘅責任。但呢個責任好似愈嚟愈沉重，因為媽咪嘅身體好似一日差過一日，由以前佢自己去覆診，到後期佢有少少腦退化，我唔放心佢一個人去醫院，所以我會陪佢去。自從佢有腦退化跡象後，性情大變，很小事都會鬧人，情緒起伏好大，我都『食』唔少佢嘅負面情緒，有時都好唔開心。

我日頭要返工，唔可以每日24小時睇住佢，但就係因為咁，佢前排喺街市買餸唔小心『跣』親導致中風，半邊身郁唔到，醫生話就算好返，都要好好照顧老人家，唔好畀佢再跌，仲要定時食藥，唔好畀佢身體再差落去。

我之前成日請假陪佢覆診，老闆已經唔係好鍾意，加上公司近年生意唔好，如果我仲成日請假陪媽咪，應該好快畀人炒，同埋我呢個年紀，萬一畀人炒咗會好難搵工。我唔可以無咗份工，屋企日常開支同屋租全由我負責，加上媽咪嘅醫療開支大咗，而自己又開始多咗病痛，我真係想像唔到無咗份工可以點算。

試過搵隔離鄰舍幫手睇住媽咪，但媽咪情緒好差，成日郁啲就鬧人，搞到人哋都唔敢再幫我睇。我身心都好辛苦同好攰，平日放工已經好攰，返到屋企照顧媽咪時成日都要扶抱，我要用盡全身氣力先可以扶到佢去廁所；心靈上都好攰，因為佢成日都會鬧人，但我已經好畀心機照顧佢，佢都好似好唔滿意咁。工作上就更差，除咗老闆有微言，同事就成日單單打打，話因為我請假令佢哋要做埋我啲嘢。

我真係好大壓力，曾經想過如果媽媽早一點走，對大家來說係咪一件好事？有段時間我真係日諗夜諗呢個問題，又唔夠瞓，喺屋企樓下唔小心跌親，樓下保安留意到我精神有唔妥，問我發生咩事，於是我就講咗我嘅狀況佢知，佢醒起之前喺屋邨活動認識林姑娘，專門做長者服務，於是就介紹咗林姑娘畀我。

第一次同林姑娘傾完計，個人舒服咗好多，佢好明白我嘅感受，亦都知道我同媽咪嘅難處。之後佢就建議我去屋企附近嘅綜合家庭服務中心，而中心就將我呢個個案轉介畀當區嘅綜合家居照顧服務隊，再由小隊嘅姑娘幫我哋。入面有綜合家居照顧服務，專門畀區內60歲或以上長者、殘疾人士，同埋有社會需要嘅人或者家庭提供以家居為本嘅社區支援服務。就好似我呢個case，佢哋知我最需要係長者日間照顧服務，於是就先建議我帶媽咪去屋企附近嘅長者中心先，由嗰個中心嘅社工做統一安老評估，之後就可以將我哋列入長期護理服務中嘅社區照顧服務排期。我哋好好彩，好快就排到我哋。我可以返工前帶媽咪去中心先，放工再接返佢，如果發生咩事，中心姑娘會即刻打畀我，我覺得呢個服務幫咗我好多，等我唔使擔心搵邊個照顧媽咪，又可以返工搵錢，維持生計。

中心嘅姑娘仲話，如果第時我媽咪有需要，可以申請『長者社區照顧服務券』。有政府資助，減輕經濟負擔。以「錢跟人走」嘅模式，畀合資格長者因應個人需要，使用社區照顧服務券選擇合適嘅社區照顧服務，支援居家安老。

真係好好彩遇到咁多位好心地嘅姑娘，解決咗好多生活上嘅問題，佢哋仲有啲情緒輔導畀我，等我精神唔使咁崩緊。宜家真係一身都輕晒，希望大家都身體健康，平平安安我就滿足喇。」

照顧者才是最需要被照顧  請即求助

‍

「家有一老，如有一寶」，但如果家中這塊瑰寶身體變差需要照顧，作為身邊人的照顧者，應如何面對和自處？以上個案阿娟，慶幸遇上林姑娘而認識綜合家居照顧服務，令原本陷入困局的狀況得以扭轉。如果你剛巧近來的生活狀況有如阿娟一樣，別要轉牛角尖，不用擔心，請即向綜合家庭服務中心求助，當中的長者家庭服務提供一系列的照顧及支援，協助有需要的長者盡可能繼續居家安老，保持最佳活動能力；同時為照顧者提供各類支援和協助。只要踏出求助一步，便可減少一場家庭悲劇。

Help-seekers can call SWD's 24-hour Hotline 2343 2255 Hotline's round-the-clock interactive voice system for callers to enquire about welfare services and request for information fax. Social workers are on duty during designated hours (Monday to Friday: 9:00 a.m. to 5:00 p.m., Saturday: 9:00 a.m. to 12:00 p.m.) to provide immediate counseling, supportive and advisory services to those in need, and to arrange appropriate follow-up services. Even in the middle of the night or when the lines are busy, the hotline will be redirected to Tung Wah Group of Hospitals' family services or related departments, so that helpers will not feel helpless. Upon receipt of a call for assistance, the staff will immediately refer the caller to the relevant social worker for assistance, which is a very efficient way to help the caller.

此外，由於綜合家庭服務中心為社會福利署核下部門或指定合作機構，設有投訴機制和監管制度，所以只要求助者踏出求助一步，中心職員不會推搪，更歡迎有需要人士提出求助，讓他們可以協助更多家庭。

If you find a friend in need of assistance, or if you are in need of assistance, please do not hesitate to approach the IFSC for assistance or feel free to leave a message to us for enquiries.

‍

 _{Related information:}

_{社會福利署綜合家庭服務中心}

_{全港各區長者中心地址及聯絡方法}