近年香港有不少年青家庭舉家移民，展開新生活。「舉家」的意思，是年青家庭與子女移民，很少會有長者同行，「舉家」似乎沒有長者的份兒，令不少長者頓時失去家庭，有種老來無依的感覺。潤蓮與丈夫逾70歲，膝下只有一個兒子，兒子亦有家室有兒子，今年4歲。約數個月前，潤蓮的兒子突然提出移民計劃，令她們兩老感到愕然和不知所措。

潤蓮接受不到兒子移民的消息

「宜家後生一輩，個個都講移民，話為咗小朋友成長好。我都明白嘅，不過個囝喺身邊咁多年，突然間成家走晒，真係接受唔到。」

潤蓮懷念與兒子一家在港生活的日子

移民，對下一代好，咁對我哋老人家呢? 當我同老伴知道呢個消息後，好唔開心同迷惘，生活上同心情都好難過。例如：生活方面，我哋兩個平時去醫院覆診，都係阿囝同新抱輪流陪我哋去；每逢星期日又可以同孫仔飲茶去玩；有時阿囝個工人姐姐唔得閒，我又可以幫手湊孫；仲有過時過節，我哋兩老會諗好晒佢哋一家人鍾意食嘅嘢，煮畀佢哋食。雖然有時煮得有啲辛苦，始終年紀大，但我哋兩個都煮得好開心，因為一家人食飯相聚嘅時間係最珍貴…

潤蓮感被兒子遺棄

『養兒一百歲，長憂九十九』雖然阿囝已經做咗人老豆，但都會擔心佢，今次仲要長期唔喺身邊，佢哋未出發，我已經擔心緊佢哋。同埋我內心有啲嬲，點解要擺低我哋唔理，係咪嫌我哋老同無用喇? 老伴有次聽到我咁樣呻，就勸我唔好咁樣諗，囝囡長大就要放手畀佢哋出去闖吓，聽完之後都有少少明白，但個心總係有啲失落感。

‍

‍

認識舜禹，找到解決問題出口

老伴話：處理好心情，再處理事情。隨住日子慢慢過，我開始接受到呢個消息。但日子總要過，之後我哋嘅生活可以點算呢? 老伴同啲晨運朋友傾開，原來佢哋都有同類情況，仲介紹咗舜禹學堂畀我哋，話嗰度嘅職員可以了解我哋嘅情況，解決問題。而因為每個家庭嘅情況都唔同，所以佢叫我哋最好就直接打去問。

舜禹提供長者生活指引，展開新生活

於是我哋就打電話去，講咗我哋嘅情況。舜禹學堂嘅職員好細心，當知道我哋係留港長者，先教我哋擴闊新嘅生活圈子，例如：可以去做義工，或者參加興趣班、手機班，方便之後可以同孫仔一家視訊傾偈。此外，介紹咗一啲可提供陪診服務嘅非牟利機構，方便我哋之後有人陪我哋去覆診，仲可以將我哋嘅覆診紀錄傳送到英國，方便阿囝可以睇住我哋嘅身體狀況；仲教我哋安裝埋平安鐘，萬一有咩事都可以即刻有人知道，送去醫院。

舜禹嘅職員擔心我哋唔知道點樣搵長者中心，於是幫我哋查埋最近我哋屋企嘅長者中心喺邊，真係好好，我哋聽完後都放心啲，起碼知道之後生活可以點過，有返生活寄託。謝謝舜禹！

如正計劃移民，請計劃留港長者的生活

有機構較早前的「留港長者」意見調查中顯示，有近八成長者的社交孤立屬高風險，較沒有子女移民的長者多出三成，近七成留港長者更有抑鬱傾向。潤蓮與丈夫正是一個典型的「留港長者」例子，幸得晨運朋友介紹我們，讓他們得到合適資訊，否則可能會令他們鬱鬱不歡致一段很長的日子。

因此呼籲如正計劃移民的年青家庭，而又有長者父母，請先向父母提出移民計劃，讓他們明白自己的需要，而並非遺棄他們，亦可與長者父母參與你們的移民計劃，令他們也感受到即使是分隔兩地，仍然是一家人；同時為父母訂出照顧計劃，例如物色合適的長者服務予父母– 陪診或出院服務，好讓他們日後也可安享晚年。

如想了解更多相關長者照顧計劃，不妨留言答訴我們，我們定當盡力解答，樂意做長者們的後盾。

👉 一線通千里顧服務計劃詳情(點擊此處了解更多)

‍