上月初，有報道指有一名老友記，被發現走入屯門杯渡路附近的輕鐵路軌範圍，幸好職員及時收到通知，協助他返回安全位置。據了解，該名老友記約80歲，執法人員向他查問時，他未能清楚交代個人資料，懷疑患有腦退化症。事主其後由救護車送院檢查。

老友記患有腦退化症，外出「蕩失路」的情況，非常普遍。因此，今年九巴宣布將於全港50個巴士站增設「天使盒子」，倘若佩戴了「守護蹤」電子裝置的腦退化症人士經過「天使盒子」 ，而盒子的伺服器接收到訊號後，便會發放至照顧者，從而掌握腦退化症人士大概位置，九巴預計今個月內可完成安裝。

雖然九巴設有惠及認知障礙患者的設施，但作為患者的家人或照顧者，實在非常擔心。擔心患者外出時「蕩失路」，但又不能將他們長期困在家中，對於剛成為照顧者的家人來說，壓力非常大。

淑瓊今年66歲，去年開始退休生活，但需要獨力照顧剛患上認知障礙症的媽媽，令她感到沮喪和無助。

淑瓊媽媽情緒大變，證實患上認知障礙症

‍

「我單身，一直同阿媽住，可以話係相依為命，上年啱啱退休，平日得閒去做吓義工，同朋友飲吓茶，仲諗住同阿媽每年去吓旅行，一齊安享晚年。

但近呢半年，阿媽嘅情緒同行為都有好大轉變，例如佢會成日因為小事而發脾氣；有次同佢去平日去開嘅街市，佢竟然問我呢度係邊度，當時我真係好驚同好亂，初時擔心係咪佢自己出街撞親個頭，搞到失憶同失常，但後尾帶佢去做詳細檢查，先至發現原來佢患上認知障礙症。

照顧者身心俱疲，喪失社交生活

我明白阿媽有病，我係有責任要照顧，但身心都真係好難頂。例如，我需要幫佢處理日常活動 - 食飯、沖涼同著衫。呢啲看似簡單嘅活動，其實都需要我長時間保持姿勢幫佢，做得多就會好攰。仲有佢嘅行為同情緒問題，例如焦慮、憤怒同抑鬱。抑鬱症和焦慮症的風險。

為咗照顧佢，我已經無晒社交生活，莫講話去做義工，連落街有時我都要好快返屋企，因為擔心佢會偷走出街，唔識路返屋企。我好辛苦，連呻吓嘅機會都無，有試過想做傻事。

‍

認識舜禹學堂，教我們尋找鄰近長者中心，紓緩問題

好彩有次做義工嘅朋友嚟探我，知道咗我嘅狀況，介紹舜禹學堂我識，佢話嗰度有啲職員可能幫到我，於是我就打去問吓。嗰度嘅職員真係好好，慢慢聽我講我嘅情況，之後介紹咗我屋企附近嘅長者中心服務，可以帶我阿媽去做復康治療，趁佢去做緊療程嘅時間，我又可以有返少少自己嘅私人時間，淨係呢樣已經好幫到我，因為我好需要唞氣空間，同埋阿媽去咗中心後，情緒穩定咗，少咗發脾氣，我唔使「食」佢咁多負面情緒，好多謝舜禹嘅職員幫忙！」

認知障礙症是一種常見的老年疾病，它會影響長者的認知能力和日常生活。照顧認知障礙症長者需要特別的技巧和耐心。

應對照顧患者的疑難

‍

照顧認知障礙症長者，需要了解他們的病情和症狀。認知障礙症的症狀包括記憶力下降、語言障礙、情緒波動等，了解這些症狀後，可以幫助照顧者更深入理解長者的需要和情況。

其次，照顧認知障礙症長者需要提供穩定的環境和日常生活。長者需要有固定的生活節奏和習慣，例如固定的飲食時間、睡眠時間等。照顧者可以幫助長者建立日常生活的規律，減少他們的焦慮和困惑。

此外，照顧認知障礙症長者需要提供適當的照護和支持。照顧者可以幫助長者完成日常生活中的基本活動，例如洗澡、穿衣、進食等。同時，照顧者也需要提供情感上的支持，例如陪伴長者聊天、聽取他們的意見和需求等。

我們明白照顧者的辛勞，如果你或身邊有朋友有需要，可以隨時與我們聯絡，我們會盡力解答各項不同問題，樂意當老友記的最強後盾。

👉 賽馬會友里蹤跡社區計劃詳情(點擊此處了解更多)

‍