我們經常聽到老友記說：「我有兩蚊車，可以周圍去。」兩蚊車，聽起上來好像微不足道，但對不少老友記來說是非常重要。政府發表的「2020 年香港貧窮情況報告」指出，長者貧窮率為 45%（政策介入前），創近十年來新高。

‍

長者福利，幫補生活開支

‍

在沒有工作並已退休的老友記中，退休主要原因是「因病患／傷殘而無法工作」（分別為 54.4%及 33.8%）及「相信找不到做得來／合適的工作」（分別 為 22.7%及 27.5%）等，因此香港的長者福利對長者而言，可說是幫補生活開支。目前，長者們除了每月獲得長者生活津貼，更有樂悠咭和長者咭提供不同長者優惠，協助減輕老友記的生活開支。近日長者咭優惠2023出爐，確實為他們帶來一大喜訊。

秋玲今年72歲，與丈夫同住順利邨，二人未有子女。兩夫婦退休多年，本身二人儲起一筆退休金，計劃安享晚年，豈料大概在3年前，丈夫須入院進行膽石切割手術，手術費加上之後的療養期，已動用了他們9成積蓄，加上沒有收入，因此坊間不少的長者優惠，對他們尤其重要。

‍

長者雖沒有積蓄，但仍不想領取綜援

「自從老公幾年前割膽石後，我哋嘅生活無以前咁揮霍，無得每年去旅行，每個月我哋兩個都係靠長者生活津貼生活。宜家出面啲嘢好貴，我哋平時都會趁超市特價或者街市臨收檔，我哋先去買餸同日用品，叫做勉強生活到。我哋暫時仲行得走得，無乜特別都唔想拎綜援。

幸得長者優惠，但分不清優惠項目

好彩政府有醫療券畀我哋呢啲老人家，小病小痛要睇醫生都唔駛擔心無錢畀。聽講宜家仲有樂悠咭同長者咭有優惠，但我哋都分唔到有咩分別，又唔知邊張咭有咩優惠，想用啲優惠都唔知點用，淨係知道用八達通搭車有『兩蚊車』優惠。

我問過啲街坊，有啲話用長者咭去超市買柴米油鹽有特價；有啲就話好似要指定日子，我哋都唔記得咁多喇。於是我醒起，之前嚟過我哋屋企探我哋班後生仔，佢哋好似係舜禹學堂嘅義工嚟，咁就打去問吓佢哋，睇吓幫唔幫到手。

舜禹學堂同事細心講解長者優惠

‍

‍

打電話畀佢哋，佢哋啲同事好細心，先問我哋拎咗邊張咭，再逐一話我哋知。原來長者咭係為老友記提供政府部門﹑公共運輸機構、酒店、餐廳、酒店等長者優惠同優先服務。

咁啱長者咭優惠2023出爐！由社區設施、飲食到超級市場，同旅行社優惠都有，當中包括百佳、惠康逢星期三購買指定獨家品牌產品可享9折優惠，詳情請參閱店內宣傳海報、海洋公園免費入場、$10搭摩天倫，仲有MCL戲院$25及$45優惠等。呢個聽到就最開心，因為我哋兩個好耐無去睇戲喇！

而樂悠咭就係用嚟搭兩蚊車，同埋其他交通工具。我哋聽完之後清楚晒，真係好多謝舜禹學堂嘅職員！」

長者咭和樂悠咭，很容易會令老友記搞錯或不了解當中優惠，如果你身邊有老友記，不妨向他們送上溫馨提示，讓他們享有應得的優惠，減輕生活負擔，同時享受娛樂，讓他們可舒展身心。

👉 長者咭樂悠咭分別(點擊此處了解更多)

👉 長者咭優惠手冊(點擊此處了解更多)