「居家安老」相信是不少老友記的意願，能夠安樂安心地在自己所住的社區生活，安享晚年。根據統計處的數據，絕大部份（96.4%）長者沒有打算入住安老院，當中更有81.4%的長者表示，即使日後身體狀況變差，仍然希望留在家中及社區，不用入住安老院。

專業護理人員上門服務昂費，體弱長者難以居家安老

雖然「居家安老」是不少老友記的意願，但如果家中有老友記是長期病患者，對照顧者及其他家庭成員來說，確實是一個沉重的負擔。長期病患的老友記，需要長期進出醫院，在家活動亦需要貼身護理，照顧者未必有時間和精力長期提供照顧。即使老友記願意入住安老院，但輪候政府資助的安老院舍宿位，至少需要輪候2-3年。坊間不少機構提供私家看護服務，但聘請專業護理人員上門照顧，每個月動輒花費上萬元，並非一般家庭能負擔。

惠蘭正是典型的照顧者，家中媽媽年逾80，患有長期病患，兩年前曾中風，自此以後四肢不太靈活，兼患有風濕性關節及糖尿病，需要經常進出醫院。惠蘭與媽媽同住公屋，爸爸早逝，她是媽媽唯一的照顧者及家中經濟支柱。

惠蘭媽媽體弱多病，但經濟上未能負擔私營院舍

‍‍

‍

‍

「我同媽媽兩個人生活已經她多年喇，大約四年前，佢記憶力慢慢開始弱，有次同朋友打麻雀，因為無記性食詐糊，情緒太激動導致中風，自從中風後，身體機能同狀態大不如前，平時出入要靠拐杖慢慢行，加上本身佢有風濕性關節同糖尿病，所以成日都要去覆診。

喺佢中風康復初期，我辭職貼身照顧佢，但慢慢發現積蓄已經差唔多用盡，真係迫於無奈要搵工賺錢。有親戚嚟試過幫手照顧佢，但貼身照顧老人家，有時真係幾辛苦。見佢身體狀況一日差過一日，夜晚尿頻情況愈嚟愈頻密，我成日要半夜起身扶佢去廁所，有諗過送佢去安老院，私營嘅安老院收費太貴，政府資助嘅院舍又要排隊排2-3年，有時喺屋企望住佢會流眼淚，因為好辛苦。

舜禹學堂職員介紹「 長者社區照顧服務券 」，減輕經濟負擔

‍

直到有次同朋友訴苦，佢介紹我可以睇吓舜禹學堂網站，因為呢度不時有長者資訊。我睇完後就直接聯絡佢哋，講返我嘅情況。舜禹學堂嘅職員同我介紹可以試吓申請「長者社區照顧服務券 」，長者可用社區照顧服務券，喺社署認可嘅服務單位，例如：長者安居協會一線通管家易服務，可以用相宜價錢，選用照顧服務（政府會按共同付款機制資助一部份費用）。

「 長者社區照顧服務券 」，共同付款機制資助金額分六級

‍

政府會按共同付款機制資助金額共分為六級。長者須支嘅共同付款金額為社區券服務組合價值嘅5%、8%、12%、16%、25% 或40%，政府會負責支付社區券服務組合價值的餘額。以『能者多付』為原則，讓負擔能力較低的使用者獲得較多的政府資助。社署會根據長者和同住家人嘅收入進行經濟狀況審查。

「 長者社區照顧服務券 」申請詳情

聽落好似幾好，至少可以幫補吓，但點先可以拎到服務券？原來只要長者喺資助長期護理服務中央輪候冊上，而暫時未獲分配服務，照顧者就可以請就近老人中心嘅社工，為長者作健康及家居護理評估。符合資格嘅長者會收到政府嘅邀請信，參與「長者社區照顧服務券計劃  」。照顧者同長者只需填妥並交返相關表格，就會獲得一份「社區券證明書」。照顧者同長者憑證明書，以資助金額購買指定社企、非牟利組織、及私人公司嘅照顧服務。

唔單止咁，舜禹學堂嘅職員仲幫我搵屋企附近嘅長者中心，希望我盡快可以申請到。雖然我宜家先開始申請，但好彩有舜禹學堂嘅職員話我知有呢啲資源，我先至知有方法可以幫我減輕經濟壓力，多謝舜禹學堂！」

現時長者輪候政府資助院舍，輪候時間一般需要2-3年，因此「 長者社區照顧服務券計劃  」是資助有經濟需要的長者，讓他們等候院舍期間，也可獲適切的照顧。2023-24年度社區券價值的 最高和最低面值分別為每月$10,260同$4,290。社區券價值主要會按綜合消費物價指數按年調整。

If you or someone close to you has any problems in life, please contact us, we are happy to be a support for the elderly.

👉 安老服務統一評估機制(點擊此處了解更多)

‍