在人口老化下，香港長者牙科需求龐大，惟基層長者卻因未能負擔費用，被迫強忍牙患之苦。根據早前的統計數字，於最低收入群組中的長者，逾四分之三(76.4%)無接受牙科治療，更有九成(90.8%)未有定期檢查牙齒。此外，衛生署於 2011 年的口腔健康調查亦發現，逾半(56%)長者即使牙痛至影響睡眠仍未有求診，主要原因是擔心牙科服務收費，可見欠缺公營服務下，貧窮長者飽受「無牙老苦」。

現年75歲的王婆婆也受著牙齒問題所帶來的困擾，導致進食有困難，吃什麼都覺得痛苦，但難以負擔牙醫費用而擱置。

長者受著牙齒問題所帶來的困擾 無法負擔牙醫的費用

‍

「我今年75歲，一個人住喺一個破舊嘅公屋單位。每個月只能靠長者生活津貼嚟維持基本嘅生活開支，但係仲係成日入唔敷出。我以為年紀大咗，牙齒就會自然脫落，成日都唔太重視牙齒健康，亦從未做過牙醫檢查。直到最近，我嘅牙齒有出現脫落同蛀牙嘅問題，導致食嘢有困難，食啲咩都覺得痛苦。但係我聽講睇牙醫費用好貴，我實在難以負擔睇牙醫嘅費用，只能忍耐住。我真喺感到好困擾！

在舜禹協助下成功申請「關愛基金長者牙科服務資助計劃」

‍

直至我認識到舜禹學堂嘅職員，我地喺傾計過程中，我向佢地透露我最近受到牙齒問題所帶來嘅困擾，但我無法負擔牙醫嘅費用，所以只能忍耐住。於是佢哋向我介紹咗「關愛基金長者牙科服務資助計劃」嘅資訊。符合資格嘅長者可獲免費鑲活動假牙及接受其他相關的牙科診療服務（包括：口腔檢查、洗牙、補牙、脫牙及X光檢查）。

而且，長者做完要做嘅牙科服務之後，負責搞呢個計劃嘅香港牙醫學會就會透過佢哋嘅計劃辦公室直接俾錢俾做牙科服務嘅牙醫，牙醫喺唔會向參加呢個計劃嘅長者任何費用。

後來，我喺舜禹學堂嘅職員陪同下，去到區內嘅長者中心索取辦理申請嘅地區服務單位名單。跟住舜禹學堂嘅職員又同我去左喺我屋企附近計劃認可嘅機構辦理申請手續。最後我成功申請左計劃。

之後舜禹學堂嘅職員陪我去睇牙，經牙齒檢查後，佢話我啲牙唔係好好，幫剝左幾隻壞咗嘅牙，再裝上活動假牙。亦教左一啲護齒嘅知識同埋點樣清潔假牙。」

如果沒有領取長者生活津貼的長者可以怎樣做？

如果沒有領取長者生活津貼的長者是不可以申請「關愛基金長者牙科服務資助計劃」，但持有醫療券的長者可用醫療券，可去到已在醫療券系統登記的牙醫診所接受牙科服務。

另外，領取綜援的長者可向社署申請牙科津貼。服務包括：口腔檢查、洗牙、補牙、脫牙、根管治療（杜牙根）、假牙、牙套、牙橋及小型手術脫牙。

如果，沒有領取任何津貼的在職低收入人士、退休人士可申請援會牙科津助計劃。成功申請可獲半額津貼。

If you or someone close to you has any problems in life, please contact us, we are happy to be a support for the elderly.

 👉關愛基金長者牙科服務資助計劃（長者生活津貼受助人適用）

‍

👉社署牙科津貼（綜援受助人適用）

‍

👉長者醫療券計劃（持有醫療券長者適用）

‍

👉醫援會牙科津助計劃（沒有領取任何津貼在職低收入人士、退休人士適用）

‍