屋企若住了多年，可能都想裝修，但想到要花費一筆錢，長者都會猶豫。有團體於2023年3月在深水埗針對長者進行上門探訪及調查，發現家居清潔及家居維修是長者最希望有的服務，分別佔20.5%和19.70%。

然而，在香港不少民眾因現實條件的種種限制，致使居家環境惡劣，卻無力改善。如牆壁、天花板剝落，影響健康；家中未符合居家安全標準，導致長者跌倒意外時有發生，但是，政府給予補助的門檻及條件往往受限較多及複雜，而且申請週期冗長。

‍

李小姐一直都想為獨居86歲的母親處理屋企日久失修的問題，讓高齡的母親有一個既安全又舒適的環境安享晚年。但因受經濟條件所限，根本無法自行承擔家居維修的費用，因此只能無奈地打消這個念頭。

媽媽屋企需要維修 但女兒沒有能力負擔

「我媽媽現年86歲患有高血壓、甲狀腺病，需要定期覆診，佢一直自己一個住喺一個自置物業單位，單位喺多年前買入。佢依家攞緊綜援，我每個禮拜都會去探佢。不過因屋企住左好耐，近幾年開始出現日久失修問題。好多地方都需要維修。最嚴重嘅係屋企客廳嘅天花有石屎同睡房牆身有剝落嘅情況，大大影響左我媽媽嘅生活質素。我想幫佢裝修一下，令佢住得舒服啲，但係我根本無法自行承擔家居維修嘅費用。我都唔知點先可以幫到我媽媽。

無意中發現香港舜禹愛維修資助計劃資訊

就喺我感到無助嘅時候，我無意中喺舜禹學堂Facebook專頁上睇到了一些帖文。原來舜禹正在推行一個名為「香港舜禹愛維修資助計劃」嘅項目，推行嘅目的為緊急有經濟困難同埋存有家居安全隱患65歲或以上嘅獨居長者或雙老家庭(只有兩老同住喺同一居所)提供家居維修服務。只要符合資格，就可以申請。我覺得呢個係一個好嘅機會，於是我立刻打去舜禹學堂查詢詳情。

‍

舜禹職員詳細解釋內容及申請的程序

舜禹學堂嘅職員很友善和專業，佢地詳細咁解釋左計劃嘅內容同埋申請嘅程序。之後，佢地安排左維修師傅約一個時間去我媽媽嘅單位進行現場勘察同埋報價。同埋向媽媽收集左一啲基本嘅個人證明文件。舜禹學堂嘅職員同我講如有最新進展或審核結果會盡快通知我地。

經舜禹評估審核後 成功申請計劃

其後，經舜禹評估審核後，我媽媽成功申請「香港舜禹愛維修資助計劃」舜禹決定資助石屎同埋牆身修補嘅費用。最後，我媽媽見到屋企客廳嘅天花同睡房嘅牆身都修補好，好開心咁笑。媽媽好感激舜禹學堂嘅幫忙。

‍

我都好多謝舜禹學堂，佢哋令到我媽媽嘅生活變得更好，都令到我安心咗好多。我覺得呢個計劃係一個好有意義嘅項目，佢為有需要嘅長者提供咗一個可靠維修服務，又表現出社會嘅關心同責任。我希望呢個計劃可以繼續發展，幫助更多嘅長者改善佢哋嘅居住環境，令佢哋享受一個安全同舒適嘅晚年。」

「香港舜禹愛維修資助計劃」只針對家居安全性

「香港舜禹愛維修資助計劃」的目的是改善長者的家居安全，只針對家居安全性的工程提供資助。無論申請結果如何，最終審批權限由我們保留。如果您或您身邊的長者有需要，請不要猶豫，盡快聯絡我們，讓我們一起改善長者的居住環境。計劃詳情請點擊下方連結。

👉香港舜禹愛維修資助計劃