香港物價指數高企，一個年輕家庭，如果育有兩名年幼子女，父母通常也需要外出工作，以維持家庭的生活開支。有研究顯示，現時香港的年輕家庭，近7成半是「雙職父母」，可見情況相當普遍。雙職父母雖然可以應付家庭經濟問題，但子女照顧方面，有時亦為他們帶來煩惱。

Anita （化名）育有兩名女兒，分別7歲及4歲，與丈夫各有工作，是典型的雙職父母。兩名女兒平日由公公婆婆代為照顧，待兩夫婦下班後接管女兒，享天倫樂。

看似恰當的管理安排，初時令 Anita 很放心，但及後衍生不少問題，令她的情緒差點走向抑鬱邊緣。

又要湊仔又要做嘢經濟難以平衡問題不接踵而來….

‍

「 我有兩個好可愛、精乖靈俐嘅小朋友，每日放工返去見到佢哋，我嗰日所有嘅煩惱都無晒，我都好想唔返工日日喺屋企照顧佢哋，但可惜屋企經濟唔容許我咁做。我同老公都有工作，要『公一份，婆一份』先可以維持到屋企嘅生活開支，以前我哋都有請工人姐姐照顧兩個小朋友同屋企，但因為老公間公司之前因疫情而大幅減人工，為咗蝕減開支，我哋唯有辭退工人姐姐，再搵住喺我哋附近嘅爸爸媽媽幫手照顧兩個囡。初時都還可以應付得到，但及後問題開始湧現。

父母始終年紀老邁，佢哋都有自己嘅退休生活，雖然佢哋都好鍾意每日見到兩個孫，但好多時都要去覆診，有時又會約朋友聚會，未必日日都可以照顧同接送小朋友。爸爸試過有次為咗趕時間接孫女放學，喺醫院覆診完趕去學校，差啲喺街畀車車親，好彩嗰次有街坊同佢一齊，可以拉住佢，逃過一劫。

又試過有次佢哋唔記得接細囡放學，直到學校老師打畀我，我先至知道。呢啲情況都令我哋好擔心，一方面擔心父母身體狀況，另一方面又擔心兩個囡。於是我同父母提出，如果佢哋當日有事要做，可預先同我哋講，我同老公就輪流請假看管囡囡，同埋定時定候打畀佢哋，提醒佢哋去接送囡囡。初時我哋以為呢啲方法可以解決問題，但之後發生嘅事令我哋有點袖手無策。

有次爸爸突然喺屋企心絞痛，好彩當時媽媽喺屋企，可以將佢及時送院，但當時正值接囡囡放學時間，我同老公收到通知後即時同公司請假，兵分兩路，我去醫院睇爸爸，老公就去接囡囡。雖然我哋都可以應付到突發事情，但始終唔可以成日突然請假。另外都考慮到父母真係年時已高，身體開始出狀況，都唔想佢哋咁辛苦成日周圍頻撲，但囡囡嘅生活又點算呢？

我日諗夜諗解決方法，擔心爸爸身體之餘，又擔心囡囡無人照顧。我同老公試過放大假輪流照顧囡囡，但問題始終未解決。同事見我日愁夜愁，於是介紹我搵屋企附近嘅日間幼兒照顧服務中心，佢話中心可以幫手做託管，收費好平，極力推薦我帶囡囡去，起碼可以減輕我嘅壓力。

於是我就帶囡囡去試吓，初頭都擔心佢哋唔慣，但去到中心，嗰度啲姑娘好好人，好識得同小朋友溝通，兩個囡囡玩到唔捨得走，之後我哋都好放心交畀佢哋照顧。我哋宜家每朝返工前就送佢哋返學，到放學時間我哋搵咗隔離屋嘅姨姨接佢哋去中心，中心幫我哋做託管，直到我哋收工去接返佢哋。呢個方法幫咗我哋唔少，起碼唔使擔心囡囡照顧問題，佢哋又開心，我又唔需要麻煩父母代為照顧，等佢哋可以真正享受退休生活，我同老公都一身鬆晒。

「鄰里支援幼兒照顧計劃」9歲或以下兒童都可以申請！

‍

中心姑娘仲有同我哋提到，原來呢個係社會福利署嘅資助計劃，仲有「鄰里支援幼兒照顧計劃」，服務對象係9歲以下嘅小朋友，換句話說我兩個小朋友直到9歲都可以使用照顧服務，唔使擔心無人照顧，如果有經濟需要，仲可以申請資助，真係好貼心。」

如果Anita沒有得到日間幼兒照顧服務中心的照顧，可能照舊將女兒交予父母照顧，每天也提心吊擔，形成心理負擔。Anita 幸好得到同事介紹，改寫自己和家庭的命運。

目前社會福利署的日間幼兒照顧服務，包括：暫託幼兒服務、鄰里支援幼兒照顧計劃、幼兒中心服務、互助幼兒中心、學前兒童課餘託管服務及幼稚園及幼兒中心學費減免計劃。服務涵蓋年齡由0歲-9歲，讓父母可安心將小孩交託予中心照顧，不用擔心獨留兒童及照顧兒童的問題。

如果真的發生家庭問題，中心亦有社工可以提供協助，所以當遇到任何難題，不要怕尷尬，只要提出求助，便會找到解決方法。求助者可以全日24小時致電綜合家庭服務中心，中心將有職員接聽求助個案，即使是深宵達旦，熱線也會轉駁至東華三院的家庭服務或相關部門，讓求助者不會感到救助無門。職員收到求助電話後，會立即轉介致相關社工跟進。

綜合家庭服務中心為社會福利署核下部門或指定合作機構，設有投訴機制和監管制度，所以只要求助者提出需要，中心職員樂意聽取問題和需要，讓他們可以協調更多家庭關係，共建和諧社會。

If you find a friend in need of assistance, or if you are in need of assistance, please do not hesitate to approach the IFSC for assistance or feel free to leave a message to us for enquiries.

_{Related information:}

 _{社會福利署綜合家庭服務中心}

_{Day child care services}

_{如何做好雙職父母？4大技巧幫到你！}

_{基層雙職父母找不到人照顧孩子點算好？課後支援服務幫到你！}