Hong Kong's property prices are the highest in the world. Although some people say that "buying a property preserves its value", for owner-occupiers, they may not be able to buy a flat of the same size in the same district if they sell their own property. As a result, many people who bought their own flats in the 1980s and 1990s have never moved. Under the baptism of time, the young owners of those years have now become old owners, and they are as full of experiences and stories as the flats they live in.

年青時購入單位，但現時依靠社會保障援助​​來生活

‍

雁英年青時在製衣廠工作，八、九十年代的香港製衣業蓬勃，所以當時她賺取非常可觀的收入，加上個人投資，足以讓她置業，於黃埔購入人生第一個自住單位。她單身沒有子女，由年青到現在58歲也是獨居。但好景不常，製衣業在港逐漸息微，雁英因此而失業，更遇上金融風暴，令她失去大部分身家，及後更要領取綜援生活。

失業兼中風，沒有收入和積蓄

‍

「後生時好風光，買咗層樓，仲可以每年去旅行。之後製衣廠執笠，自己又年紀大，加上投資失利，無咗大半份積蓄，宜家直頭係失業老人，洗錢無咁疏爽喇。幾年前，突然有一日喺屋企中風，好彩當時有朋友嚟探我，即刻送我入醫院救得返，但康復期好漫長。自從患病後，我就拎綜援過生活。

客廳牆身有裂縫，廁所天花漏水，事主因財困未有處理

雖然我有層樓喺手，樓價又係咁升，都有諗過賣咗佢。但又諗如果賣咗之後，我可以住邊？出去租樓住，每年加租，我無工返又無乜積蓄，到時邊度搵錢交租？雖然宜家間屋都有50幾年歷史，舊就舊啲，客廳牆身有少少裂縫，廁所天花仲成日漏水，可能住頂樓，個天花『兒嬉』啲卦，有時漏得勁要擔遮去廁所。但都無辦法，我怕麻煩又無錢整，唔理佢喇，總好過瞓街，過得一日得一日。

有次社工彭姑娘嚟探我，佢見到我要擔遮去廁所，大表驚訝同詫異，佢好擔心我喺屋企好危險，問我點解唔搵人嚟整？我都想搵師傳整，但邊度有錢，宜家仲勉強去到廁所，到真係去唔到先再諗。

社工介紹「有需要人士維修自住物業津貼計劃​​」，但事主擔心已申領綜援無法得到津貼

‍

於是彭姑娘幫我搵咗個由市建局推出嘅「有需要人士維修自住物業津貼計劃​​」，話可以資助我做屋企嘅家居維修，我係單身人士最高可以津貼4萬，初頭見到個申請資格要60歲先可以申請，我拎緊綜援唔知批唔批，於是無理到個計劃，擺埋一邊。之後彭姑娘再跟進我嘅情況時，佢再細心解釋我知，原來領取綜援人士都可以申請，即使有自住物業都可以，兩者之間無衝突，經過彭姑娘一番勸喻後，就填表申請。

彭姑娘都有提我唔好咁心急，因為要搵承辦商報咗價先，列明維修項目同價錢，畀市建局批，批准之後先至叫師傳嚟開工，咁就最萬無一失。

申請程序雖繁複，幸得社工跟進

‍

但我一聽到咁多程序就覺得怕怕。好彩彭姑娘每一個程序都幫我跟進，又幫我搵咗好多間承辦商，因為有啲師傳嫌工程規模細，唔願意接呢類工程。好彩有彭姑娘幫手，終於搵到承辦商肯幫我做維修，宜家暫時將所有文件遞交到市建局，希望可以早日收到獲批消息。」

津貼計劃涵蓋範圍

‍

很多綜援戶，有時可能擔心已伸領綜援而無法申請其他資助，但不同資助項目有不同條款，以「有需要人士維修自住物業津貼計劃」為例，這個計劃便可讓綜援人士申請，減輕他們的經濟負荷。此外，這計劃資助範圍涵蓋屋內至大廈外牆，例如修葺天台及平台防水層，改善滲水問題的工程；檢驗、修葺或更換破損的窗戶；改善樓宇外牆安全狀況的工程，修葺破損的批盪或紙皮石等。計劃詳情：

https://www.shunyuacademy.com/hk-knowledge/114

如果你或身邊朋友有需要申請資助項目，但不太了解整個計劃詳情或對申請手續、尋找承辦商等問題感到疑問或求助無門，歡迎在這裡留言與我們聯絡，我們樂意為有需要人士解答疑難，讓大家也可善用社區資源，共建安樂窩。

歡迎你可在辦公時間星期一至五9:00-13:00及14:00-18:00致電34138790或WhatsApp：5548 5238直接與我們聯絡。

‍

有需要人士維修自住物業津貼計劃👈點撃此處了解更多

_{Related information:}

_{有需要人士維修自住物業津貼計劃}

_{Elderly Community Centers}

_{長者鄰舍中心}

‍