The older generation used to say, "If you buy a flat, you put down roots". In the past, they did not have much concept of property speculation, they bought the flat for self-occupation, got married and had children here, and lived here until they reached old age. Their roots were planted in this house. As life changes from generation to generation, the flats they live in will also go through the stormy times, how do they face the challenges brought by time?

南平叔一家四口同住舊樓，兩子婚後才遷出

‍

南平叔年青時在油麻地街市擁有一間雜貨檔，售賣雞蛋、咸酸菜、醬油等調味雜貨，與太太於七十年代買入油麻地一唐樓單位，單位勝在近檔口，方便開檔。及後生了兩個兒子，一家四口住在這裡，兒子直到成家立室才遷出。他們兩口子現時已近74歲，仍住在這裡，不過雜貨檔早已找人頂手，二人正過著退休生活。

長子欠賭債，夫婦用積蓄償還

‍

結束雜貨檔後，南平叔夫婦一心計劃好好退休，安享晚年。豈料6年前，長子因賭欠下巨債無法償還，需要動用他們的積蓄才夠還清債務，自此他們只有這個自住唐樓單位，為最後的資產。

家財只剩下舊屋，靠長者生活津貼生活

‍

「退休前，我同太太儲落一筆養老金，諗住退休後每年可以去旅行，環遊世界。點知大囝6年前欠落一身賭債，佢仲要有頭家；細囝一家已經移民，去咗加拿大，所以我哋無辦法唔幫大囝還，唯有用我哋嘅養老金幫佢囉，宜家每個月就靠長者生活津貼生活，好彩後生時買落呢個唐樓單位，叫做有個瓦遮頭，如果唔係都唔知點算，所以就算樓價幾好，我都唔會賣。

積蓄為兒還債，即使天花跌灰及水泥也無法維修

不過，呢度真係住咗好耐，我哋後生嗰時買，間屋唔係一手樓，所以都有五、六十年歷史，我哋搬入嚟咁耐都只係裝修過兩次：第一次係啱啱搬入嚟嗰時，第二次就係細囝結婚搬走。每次裝修，都覺得好似一個新階段開始。我諗嚟緊唔裝修喇，我哋都咁老喇，雖然太太成日同我投訴，話食食吓飯有時天花會跌啲灰落啲餸度，又試過廁所天花跌過石屎落嚟，好彩當時我哋唔喺廁所。間屋舊就自然多問題㗎啦，我哋人老咗都咁多經歷，何況係間屋呢？我知間屋係有問題，需要維修，但我哋邊度有錢整？

「有需要人士維修自住物業津貼計劃」手續繁複，長者欲放棄

直到上次有班讀社工嘅實習生上嚟探訪，見到我哋屋企天花甩灰，廚房天花有啲隆，仲畀佢哋發現廁所地下有少少滲水，佢哋都有同我哋講：『伯伯，你哋屋企好多地方都要搵人嚟維修，如果唔係會好危險。』我就將我嘅苦衷同佢哋講，佢哋好犀利，介紹咗市建局個『有需要人士維修自住物業津貼計劃』畀我，話我哋最高可以津貼八萬蚊嚟裝修，聽到梗係開心啦，之後再慢慢睇啲內容，又長又複雜，啲資料識我，我都唔識佢。

幸得「舜禹學堂」幫忙，逐現曙光

之後同返啲後生仔講，我哋唔申請喇，啲資料好複雜難明，我哋唔識咁多嘢。佢哋好好，介紹咗舜禹學堂畀我哋，嗰度嘅社工同職員好細心同我哋講解，由申請資格、流程程序、物色承辦商再到遞交申請，都陪我哋一齊做，每一個流程都會解釋清楚畀我哋知，全程貼身跟進。之後我聽啲朋友講，原來佢哋都有試過申請，但中途放棄咗，因為佢哋唔識揀承辦商，唔知道邊度搵，又擔心會畀人呃，最弊係搞咗一輪先知原來唔符合市建局規則，津貼批唔到，又頻撲咗一輪，搞到佢哋好唔開心。當我同佢哋講我嘅經歷時，佢哋開頭以為我作故仔，最後我畀埋舜禹學堂嘅聯絡方法畀佢哋，佢哋先至信。講真，初頭我都唔信有咁好嘅後生仔可以幫手，真係好多謝舜禹學堂嘅職員，雖然宜家我哋仲等緊審批，但之前嗰埋繁複手續有佢哋幫手，已經幫咗好大嘅忙，衷心感謝呢班後生仔，我之後唔駛再畀老婆投訴喇。」

如果你身邊有老友記與南平叔的遭遇一樣，請立即找我們幫忙。舜禹學堂深明「有需要人士維修自住物業津貼計劃」的申請手續，對老友記來說是非常複雜的事，因此我們樂意為老友記們提供協助，尤其是尋找適合的承辦商，以至遞交申請表，我們均會竭盡所能，為老友記細心講解和跟進，務求令老友記可以盡用社會資源，整理居所，安享晚年。

如果你或身邊朋友有需要申請資助項目，但不太了解整個計劃詳情或對申請手續、尋找承辦商等問題感到疑問或求助無門，歡迎在這裡留言與我們聯絡，我們樂意為有需要人士解答疑難，讓大家也可善用社區資源，共建安樂窩。

歡迎你可在辦公時間星期一至五9:00-13:00及14:00-18:00致電34138790或WhatsApp：5548 5238直接與我們聯絡。

‍

有需要人士維修自住物業津貼計劃👈點撃此處了解更多

_{Related information:}

_{有需要人士維修自住物業津貼計劃}

_{Elderly Community Centers}

_{長者鄰舍中心}